Newsinterpretation

२१ वा थर्ड आय आशियाई चित्रपट महोत्सव

थर्ड आय आशियाई चित्रपट महोत्सवाची १० जानेवारीपासून सुरुवात

महाराष्ट्रातील चित्रपट संस्कृतीचा एक मानदंड ठरलेला ‘२१ वा थर्ड आय आशियाई चित्रपट महोत्सव’ यावर्षी १० जानेवारी ते १६ जानेवारी २०२५ या कालावधीत मुंबई आणि ठाणे येथे मोठ्या उत्साहात साजरा होणार आहे. या महोत्सवात निवडले गेलेले ६१ उत्कृष्ट चित्रपट मुंबईतील मुव्हीमॅक्स अंधेरी, सायन आणि ठाणे येथे दाखवले जाणार आहेत. कान महोत्सवातील ‘अ-सर्टन रिगार्ड’ विभागामध्ये सर्वोत्तम ठरलेल्या चायनीज चित्रपट ‘द ब्लॅक डॉग’च्या प्रदर्शनाने या महोत्सवाचा भव्य उद्‌घाटन सोहळा होणार आहे.

थर्ड आय आशियाई चित्रपट महोत्सवाची उद्दिष्टे

परदेशातील विशेषतः हॉलिवूड आणि युरोपमधील चित्रपट भारतीय प्रेक्षकांसाठी सहज उपलब्ध झाले आहेत. मात्र, जागतिक स्तरावर गाजत असलेले आशियाई चित्रपट अद्यापही भारतीय प्रेक्षकांच्या पहाण्यापासून वंचित राहतात. याच पार्श्वभूमीवर, विविध आंतरराष्ट्रीय चित्रपट महोत्सवांमध्ये लोकप्रिय असलेल्या आशियाई चित्रपटांना मुंबई आणि महाराष्ट्रातील इतर शहरांतील प्रेक्षकांपर्यंत पोहोचविण्याच्या उद्देशाने एशियन फिल्म फाऊंडेशनने थर्ड आय आशियाई चित्रपट महोत्सवाची सुरुवात केली. पहिला महोत्सव ३ ऑगस्ट २००२ रोजी आयोजित करण्यात आला होता. गेल्या २० वर्षांपासून हा महोत्सव चित्रपटप्रेमींच्या आवडीचा एक महत्त्वाचा भाग बनला आहे.

विविध चित्रपटांचे प्रदर्शन

२१ व्या थर्ड आय आशियाई चित्रपट महोत्सवामध्ये आशियाई स्पेक्ट्रम विभागात चीन, भूतान, नेपाळ, बांगलादेश, मलेशिया, कझाकिस्तान, ट्युनिशिया, जपान, इराण, दक्षिण कोरिया आणि श्रीलंका या देशांतील चित्रपटांचा समावेश आहे. विशेष आकर्षण म्हणून दक्षिण कोरियातील सहा चित्रपट ‘कंट्री फोकस’ या विशेष विभागात दाखवले जातील. या व्यतिरिक्त, भारतीय चित्रपट आणि मराठी चित्रपटांचा स्पर्धा विभाग हा महोत्सवाचा मुख्य आकर्षण ठरणार आहे. भारतीय विभागामध्ये मल्याळम, कन्नड, तेलुगू, बंगाली आणि आसामी भाषांतील एकूण ११ चित्रपटांचा समावेश आहे.

मराठी स्पर्धा विभागात दीपक पाटील दिग्दर्शित ‘आशा’, उमेश बगाडे दिग्दर्शित ‘सिनेमॅन’, अल्ताफ शेख दिग्दर्शित ‘कर्मयोगी आबासाहेब’, शशी खंदारे दिग्दर्शित ‘जिप्सी’, श्रीकांत भिडे दिग्दर्शित ‘भेरा’, रवी करमरकर दिग्दर्शित ‘मॅजिक’, विद्यासागर अध्यापक दिग्दर्शित ‘मंडळ आभारी आहे’ आणि अनिल भालेराव दिग्दर्शित ‘छबिला’ या आठ चित्रपटांचा समावेश आहे.

पुरस्कार आणि विशेष सन्मान

या महोत्सवात सुप्रसिद्ध पटकथा लेखक आणि गीतकार जावेद अख्तर यांना ‘आशियाई चित्रपट संस्कृती पुरस्कार’ प्रदान करण्यात येणार आहे. तसेच, पत्रकार रफिक बगदादी यांना ‘सत्यजित राय मेमोरियल पुरस्कार’ देऊन सन्मानित केले जाणार आहे. दिवंगत सुधीर नांदगावकर यांच्या स्मृतीप्रित्यर्थ यावर्षी चित्रपट लेखनाचा विशेष पुरस्कार चित्रपट अभ्यासक अनिल झणकर यांना प्रदान करण्यात येणार आहे. याशिवाय, दिवंगत दिग्दर्शक श्याम बेनेगल यांच्या स्मृतींना उजाळा देण्यासाठी त्यांच्या चित्रपटांचे प्रदर्शन केले जाईल, तसेच राज कपूर यांच्या जन्मशताब्दी निमित्ताने त्यांच्या भूमिका असलेले चित्रपट दाखवले जातील.

चित्रपट प्रदर्शनाच्या जोडीला मान्यवर ज्युरी सदस्यांबरोबर खुले चर्चासत्र (ओपन फोरम), दिग्दर्शक व तंत्रज्ञांसाठी मास्टर क्लासेस यासारखे उपक्रम आयोजित केले जातील. यामुळे प्रेक्षकांना चित्रपटांच्या कलात्मक आणि तांत्रिक बाजूंची माहिती होण्याची संधी मिळेल.

थर्ड आय आशियाई चित्रपट महोत्सव हा केवळ चित्रपटांचा महोत्सव नसून, विविध संस्कृतींच्या गाभ्याला स्पर्श करणारा, प्रेक्षकांना चित्रपट माध्यमातून वेगवेगळ्या कथा आणि अनुभवांशी जोडणारा एक महत्त्वाचा उपक्रम ठरतो.

ऋता कुलकर्णी
ऋता ही कायदेतज्ज्ञ असून तिने आर्थिक व्यवहारांचे ज्ञान सुलभ होऊन ते सामान्य मराठी माणसांपर्यंत पोहोचावे म्हणून अर्थसाक्षरता नावाचा उपक्रम चालू केला आहे.

TOP 10 TRENDING ON NEWSINTERPRETATION

Newsom draws Megyn Kelly’s ire after sharing old Trump clips to boost online trolling campaign

A sharp exchange unfolded when a well-known media host...

Shocking Files Reveal Bill Clinton Letter in Epstein’s Infamous ‘Birthday Book’

Oversight Committee Releases New Epstein Records The House Oversight Committee...

McGregor channels Trump populism with Musk support in high-stakes Irish presidential race

In early September 2025, Ireland was taken by surprise...

Federal authorities seize $3 million in crypto linked to ransomware that hit US hospitals

Federal authorities have seized nearly $3 million worth of...

Bernie Sanders backs Zohran Mamdani in New York City mayor race citing grassroots momentum

A major political figure has stepped into the New...

JPMorgan handled $1.1 billion for Jeffrey Epstein despite warnings of criminal ties and reputation risk

JPMorgan Chase, one of America’s biggest banks, had a...

Qualys confirms limited Salesforce data access during Drift hacking campaign raising security concerns

Hackers accessed some Salesforce information from risk management company...

Ashley Hinson sparks clash with Newsom after claiming America should look more like Iowa

A sharp political exchange has broken out after U.S....

WSJ report says malware email linked to Chinese group aimed at U.S. tariff negotiations

U.S. authorities are investigating a suspicious email that carried...
error: Content is protected !!
Exit mobile version